නිකිණි පුර පසළොස්වක පොහෝ දිනය

              බෞද්ධයින් වශයෙන් විශේෂිත සිදුවීම් කිහිපයක් හේතුවෙන් මෙම නිකිණි පුර පසළොස්වක පොහෝදිනය වැදගත් වී තිබේ.

• බුදුරජාණන් වහන්සේ වෙසක් පොහෝදා පිරිනිවන් පෑමෙන් තුන් මසක් ගත වීමෙන් පසු සිදුකරන ලද මුල්ම ධර්ම සංගායනාව ආරම්භ වූයේ නිකිණි පුර පසළොස්වක පොහෝ දාය. අජාසත් රජුගේ දායකත්වයෙන් සම්බුද්ධ ශාසනයේ චිරස්ථිතිය උදෙසා, රජගහ නුවර දී ප‍්‍රථම ධර්ම සංගායනාව පැවැත් වූ දිනය ලෙස ද මේ පොහෝ දිනය සලකනූ ඇත. මුල්ම ධර්ම සංගායනාව සඳහා මහ රහතන් වහන්සේලා පන්සියයක් සහභාගි වූ අතර මාස හතක් පැවැත්විණි.

• ආනන්ද මහ තෙරුවන් වහන්සේ උතුම් වූ අර්හත් මාර්ගඵල ප්‍රත්‍යක්ෂ කරන ලද්දේද නිකිණි පුර පසළොස්වක පොහෝදා අලුයමය.

• නිකිණි පුර පසළොස්වක පොහෝදා මුල්කර ගෙන සිදුවන තවත් වැදගත් ශාසනික කටයුත්තක් නම් පසු වස් සමාදන් වීමයි. ශාසන ප්‍රතිපත්තීන්ට අනුව පෙරවස් එළඹීමට නොහැකි වූ උපසම්පදා භික්ෂුන් වහන්සේලා නිකිණි පුන් පොහෝ දිනයේදී පසුවස් එළඹීම සිදු කරති.

• රාහුල පොඩිහාමුදුරුවන් වහන්සේ උතුම්වූ අර්හත් මාර්ග ඵල ප්‍රත්‍යක්ෂම කරන ලද්දේද මෙම නිකිණි පෝදා දිනක බව සඳහන්වී ඇත.

• බුදුරජාණන් වහන්සේගේ ලලාට ධාතුව නිදන් කර සේරුවිල මංගල චෛත්‍ය රාජයා ඉදිකිරීම ආරම්භ වූයේ නිකිණි පුර පසළොස්වක පොහෝ දාය. 

මළ මුහුද

              මුහුදු මට්ටමෙන් ඉතාමත් පහළ ස්ථානයක පිහිටි, අධික ලුණු සාන්ද්‍රණයකින් යුත් කිසිම ජීවියෙක් නැති මළ මුහුද ගැනයි අපි මේ ලිපියේ කතා කරන්නේ. ජිවයක් නොමැති මුහුද හෙවත් මළ මුහුද පිහිටා ඇත්තේ නැගෙනහිර ජෝර්දානයට මායිම්ව හා බටහිරින් ඊශ‍්‍රායාලයට මායිම්වයි. මීට වසර සිය ගණනකට පෙර මිනිසුන් මෙම මුහුද දුගඳ මුහුද, යක්ෂයාගේ මුහුද සහ තාර විල යන නම්වලින් හඳුන්වනු ලැබුවා. 

          

         මෙය පෘථිවිය සතු අද්වීතිය ස්ථාන වලින් එකක් වශයෙන් සැලකෙන අතරම, මෙම මුහුද අධික ලවණ තාවයකින් යුක්තය. එය සාමාන්‍ය මුහුදු ජලය මෙන් පස් ගුණයක ලවණතාවයෙන් වැඩිය. එනම් අන් සාගරවලට වඩා දළ වශයෙන් 8.6ක ගුණයකින් මෙහි ලවණතාව වැඩි බව සඳහන් වේ. මේ මුහුද වර්ග කිලෝමීටර 41650 ක් දක්වා පැතිරිලා තියෙනවා. මෙහි දිගම ස්ථානය කි.මී 67 ක් විදියටත් පළලම කි.මී 18 ක් ලෙසත් සටහන් වෙනවා. මෙහි උපරිම ගැඹුරු ස්ථානය මීටර 118 වනවා. ඒ වගේම මෙහි වෙරළ තීරය කිලෝමීටර කිලෝමීටර 135 ක් දිගින් යුක්ත වනවා. මෙම මුහුදේ සෝඩියම් ක්ලෝරයිඞ් හා වෙනත් ලවණ සැලකිය යුතු සාන්ද්‍රණයක් අඩංගුය. 

         

           මෙහි කිසිඳු ජීවියෙකුටවත්, පැළැටියකටවත් ජීවත් විමට නොහැකිය. ඒ අධික ලවණතාව නිසාය. ජීවින් ජිවත් නොවීම නිසාම මෙයට මළ මුහුද යන නම ද ලැබි ඇත. මළ මුහුදට සම්බන්ද ප‍්‍රධාන අතු ගංඟාව වශයෙන් ජෝර්දාන නදිය පිහිටා ඇත. මසුන් දස දහස් ගණනක් මළ මුහුදට යොමු වූවත් ඒ එකදු සත්වයෙකුට මෙහි අධික ලවණතාවය නිසා ජීවත් වෙන්න බැහැ.මෙම මුහුදේ පවතින අධික ලවණ ගුණය නිසා මිනිසුන්ට එහි පහසුවෙන් පාවිය හැකිය. පිහිනිමට නොහැකි පුද්ගලයෙකුට වුව ද මළ මුහුදේ දී ගිලිමකින් තොරව පාවිමට හැකි බව කියවේ. 

               

            එමෙන්ම මෙහි මඩවලට ඖෂධීය ගුණයක් ඇති බවට පිළිගැනිමක් පවතී. ඒ නිසාම අතීත රජවරු සහ රැජිණියන් ද තම නීරෝගි බව රැක ගැනිමට මෙම මළ මුහුදු ජලය සහ මඩ භාවිතා කළ බව සඳහන් වේ. පරිසරයේ ඇති දූවිලි, මල් රේණු වගේ දේවලින් ආසාත්මිකතා ඇතිවන පුද්ගලයන්ට මෙන්ම ශ්වසන රෝග හා සමේ රෝග තිබෙන පුද්ගලයන්ට මේක හොද වෛද්‍ය මධ්‍යස්ථානයක් වෙනවා. 

ජායාරූපගත කිරිමේදී අනාවරණයේ වැදගත්කම.

           ජායාරූපගත කිරීමේ දී වැදගත් වන තවත් කරුණක් වශයෙන් අනාවරණය පෙන්වා දිය හැකිය. එය Exposing වේ. කැමරාවේ පටල පටය හෝ සංවේදකය වෙත පිළිබිඹුව පතිත වන්නට සැලැස්විමේ ක‍්‍රියාවලිය වේ. එහි පතිතවන ආලෝකයෙන් රූපයේ දීප්තිය තීරණය වන නිසා අනාවරණයේ දී ආලෝක පාලනය අවබෝධයෙන් කළ යුතුය. එයට පටල කැමරාවල කාච විවරය සහ කැමරා ද්වාරය භාවිතා වන අතර අංකිත කැමරාවල මීට අමතරව සංවේදකයේ සංවේදීතාව ද ඉවහල් වේ.

• කාච විවරය /f අංකය

           මෙයින් කැමරාව තුළට ආලෝකය ගැනීම පාලනය කරයි. මෙහි විවරය කුඩා වන විට ආලෝකය අඩු වී ක්ෂේත‍්‍ර ගැඹුර වැඩි වේ. විවරය කුඩා කිරීමට f අංක අගය විශාල කිරීමට ද, විවරය විශාල කිරීමට අගය අඩු කිරීමට ද සිදු වේ.

            

• කැමරා ද්වාරය / Shutter

            මෙය ද ආලෝකය පාලනය කරන්නකි. මෙහි වේගය තත්පරවලින් වේ. මෙය අංකවලින් මෙන්ම අක්ෂරවලින් ද දක්වා ඇත.

        

                 P A T B    30 15 8 4 2 1   0   2 4 8 15 30 60 128 250 500 1000 2000

                               තත්පරය                          තත්පරයෙන් පංගු

 P - අභිමත කාලය (ද්වාරය ඇරිපවතින වේලාව)

 A - අභිමත කාලය විවෘත කිරීම හා වැසීම දෙවතාවක් සිදු වේ.

 T - ස්වයංක‍්‍රීය ද්වාර වේගය.

 B - වැඩසටහන්ගත

මේ ආකාරයට Shutter එක ඇරී පවතින වේලාව අනුව ආලෝකය කැමරාව තුළට පැමිණිම සිදු කරයි. මෙය අනාවරණය වේ. මෙය රූපයේ පැහිදිලි බව හෝ අඳුරු බව තීරණයට වැදගත් වේ. අඳුරු ජායාරූපයක් ගැනීමට නම් මෙය අවශ්‍ය නොවේ. 

           ඒ නිසාම ජායාරූපයක් ගැනිමේ දී මේ පිළිබඳව දැනුවත්ව සිටිම ඉතා වැදගත් වේ.

ජායාරූපගත කිරීමක දී මානනයේ වැදගත්කම

          ජායාරූපගත කිරීමකදී මානනය හෙවත් Aiming යනු රූපය ගන්නා ආකාරය තිරණය කිරීමයි. මේ අනුව පුද්ගලයා ජායාරූපයක් ගැනිමට ප‍්‍රථමව එය ගන්නා ආකාරය සිතා බැලිය යුතුය. මෙය ආකාර දෙකකට සිදු කළ යුතුය. එනම්,

• කැමරාවේ පිහිටුම
• කැමරාවේ සිරස්, තිරස් ආනතභාවය

යනාදි යයි.

          කැමරාවේ පිහිටුම යනු දෘෂ්ටි කෝණ යයි. අප ජායාරූපයක් ගැනීමේ දී විවිධ කෝණ භාවිතා වේ. මෙම දෘෂ්ටි කෝණය ජායාරූපයේ සාර්ථක, අසාර්ථක භාවයට බොහෝ සෙයින් බලපෑම් කරන ලද්දකි. මේ අනුව ජායාරූපගත කිරීමක දී ප‍්‍රධාන වශයෙන් කෝණ වර්ග 3ක් පවතී.

• උස්කෝණි රූප / High Angel 

          උස්කෝණි රූප යනු හොඳින් වටපිටාව ස්ථානගත වන රූප වේ. පිහිටිමක්, සැලැස්මක් පෙන්වීමට මෙම කෝණය බොහෝ විට භාවිත වේ. මෙහි පෙනී සිටින්නා පහළ ද, ජායාරූපය ගන්නා පුද්ගලයා ඉහළ ද සිටී.

උදා- සිතියම්

• ඇස් මට්ටමේ රූප

          නිතර දකින හුරුපුරුදු රූප ඇස් මට්ටමේ රූප වේ. මිත‍්‍රත්වය. සමානාත්මතාව බඳු රූප මේ ඔස්සේ පෙන්නුම් කරයි. රූපවල අතිශෝක්තියක් නොමැත. මෙහි දී පෙනී සිටින්නා සහ ජායාරූපගත කරන්නා යන දෙදෙනාම එකම මට්ටමේ සිටී.

• පහත් මට්ටමේ රූප / Low Angel

             මෙහිදී පෙනී සිටින්නා ඉහළ ද. ජායාරූපගත කරන්නා පහළ ද සිටී. අරමුණේ ප‍්‍රතාපවත් බව, හැඩි දැඩි බව පෙන්වීමට මෙම රූප ගනී.

උදා- පිළිම, පිළිරු

යනාදි යයි.

            කැමරාවේ සිරස්, තිරස් ආනතභාවය යනු ජායාරූපය ගැනීමේ දී කැමරාව තබා ගන්නා ආකාර යයි. මෙය රූපයට ගැලපෙන ආකාරයට තබා ගැනීම කළ යුතුය. නැතහොත් අරමුණ විකෘති විය හැකිය.